मोटरसायकल अडवून लुटमार करणाऱ्या टोळीचा परंडा पोलिसांकडून पर्दाफाश; 73 हजारांचा मुद्देमाल जप्त
परंडा | धाराशिव : मोटरसायकल अडवून नागरिकांना लुटणाऱ्या टोळीचा परंडा पोलिसांनी पर्दाफाश केला आहे. या कारवाईत पोलिसांनी संशयित आरोपींना ताब्यात घेत सुमारे 73 हजार रुपयांचा मुद्देमाल जप्त केला आहे.
पोलिसांनी दिलेल्या माहितीनुसार, परंडा पोलीस ठाण्यात दाखल असलेल्या गुन्ह्यांच्या तपासादरम्यान ही कारवाई करण्यात आली. आरोपींकडून मोटरसायकलस्वारांना अडवून त्यांच्याकडील रोख रक्कम, मोबाईल तसेच सोन्याचे दागिने लुटल्याचे तपासात समोर आले.
या प्रकरणात पोलिसांनी लुटीतील मुद्देमाल हस्तगत केला असून, परंडा पोलीस ठाण्यातील दोन गुन्ह्यांचा उलगडा करण्यात पोलिसांना यश आले आहे. आरोपींकडून आणखी काही गुन्हे उघडकीस येण्याची शक्यता असून, पोलिसांकडून पुढील तपास सुरू आहे.
ही कारवाई पोलीस अधीक्षक रितू खोखर व अपर पोलीस अधीक्षक सचिन पांडकर यांच्या मार्गदर्शनाखाली करण्यात आली.
धाराशिव जिल्ह्यातील गुन्हेगारीविरोधात पोलिसांची कारवाई सुरू असून, नागरिकांनी अनोळखी व्यक्तींपासून सावध राहण्याचे आवाहन पोलिसांकडून करण्यात आले आहे.
#Dharashiv #DharashivNews #Paranda #CrimeNews #Police #MaharashtraNews #धाराशिव #परंडा #गुन्हेगारी
0 टिप्पण्या